Дзяржаўны сцяг, Дзяржаўны герб, гімн і сталіца КНР

[Дзяржаўны гімн]:

Дзяржаўны гімн «Марш добраахвотнікаў» быў напісаны ў 1935 годзе. Словы гімна напісаў драматург Цянь Хань, музыку - Не Эр, які з'яўляецца заснавальнікам руху за новую музыку Кітая. Першапачаткова гэты музычны твор быў напісаны для фільма «Дзеці грозных гадоў». Сюжэт яго распавядаў пра крытычны момант гісторыі кітайскага народа, а менавіта пра японскую акупацыю (пасля «інцыдэнту 18 верасня») трох правінцый на паўночным усходзе краіны; кітайскія інтэлігенты, пераадольваючы нуду і нерашучасць, смела ішлі на фронт, каб змагацца супраць японскіх захопнікаў, абараняючы Радзіму. Дзякуючы таму, што гэты фільм набыў велізарную папулярнасць ва ўсіх кутках Кітая, а таксама з прычыны патрыятычнага ўздыму ў антыяпонскай барацьбе, гэтая песня была названа заклікам да вызвалення кітайскага народа.

27-га верасня 1949 г. на першай сесіі Усекітайскага камітэта НПКСК было прынята рашэнне аб прызнанні песні «Марш добраахвотнікаў» у якасці часовага Дзяржаўнага гімна КНР. 14 сакавіка 2004 г на другой сесіі УСНП 10-га склікання была прынятая выпраўленая канстытуцыя КНР. Згодна з новай канстытуцыі «Марш добраахвотнікаў» быў зацверджаны ў якасці афіцыйнага Дзяржаўнага гімна КНР.

"Дзяржаўны гімн КНР"

Уставай, хто рабом стаць не жадае!

Са сваёй плоці Вялікую сцяну пабудуем!

Для лёсу нацыі грозная гадзіна надышла,

І з грудзей ірвецца кліч наш апошні:

Уставай!

Нас мільёны,

але сэрцам мы адзіныя,

Пад агнём кананады смела мы ў бой пойдзем,

Наперад!

1 2 3 4