Навукоўцы з размешчанага ў павеце Сюі (правінцыя Цзянсу, Усходні Кітай) Навукова-вытворчага цэнтра па даследаванні атапульгіта пры Кітайскай акадэміі навук распрацавалі тэхналогіі, якія дазваляюць ператвараць атапульгітную гліну ў нанаматэрыялы рознага прызначэння.

Дзякуючы гэтаму, аб'ём вытворчасці атапульгіта /воднага алюмасіліката магнія з асаблівай крышталічнай будовай / вырас з 400 млн юаняў у 2010 годзе да 2 млрд юаняў у 2016. У павеце Сюі знаходзяцца 48 працэнтаў ад сусветных і 74 працэнтаў ад унутраных разведаных запасаў гэтай унікальнай сыравіны, што адкрывае выдатныя перспектывы для развіцця.