З нагоды другой гадавіны падпісання Сумеснага ўсеабдымнага плана дзеянняў па іранскай ядзернай праграме генсакратар ААН Антоніу Гутэрыш праз свайго прадстаўніка апублікаваў заяву, якая заклікае захаваць гэта пагадненне.

У заяве гаворыцца, што генсакратар па-ранейшаму перакананы, што СУПД – гэта лепшы спосаб забяспечыць выключна мірны характар іранскай ядзернай праграмы, пагадненне ўнесла ўклад у рэгіянальны і міжнародны мір і бяспеку. А. Гутэрыш адзначыў, што МАГАТЭ неаднаразова пацвярджала, што Іран выконвае свае абавязацельствы ў рамках СУПД у ядзернай сферы.

У заяве адзначаецца, што генсакратар ААН заклікаў урэгуляваць пытанні, звязаныя з рэалізацыяй здзелкі, праз механізмы, створаныя ў адпаведнасці з пагадненнем. Ён паказаў, што пытанні, якія не звязаны непасрэдна з СУПД, павінны вырашацца без шкоды для захавання пагаднення і яго вынікаў.

Прэзідэнт ЗША Дональд Трамп 12 студзеня абвясціў аб рашэнні ў апошні раз працягнуць рэжым замарозкі санкцый супраць Ірана, звязаных з яго ядзернай праграмай. Ён запатрабаваў унесці папраўкі ў гэта пагадненне і дадаць да яго змест аб абмежаванні ракетнай праграмы Ірана, папярэдзіўшы, што ў выпадку недасягнення кансенсусу ЗША выйдуць з гэтага пагаднення. - Р -