Вопыт Кітая можа дапамагчы свету пазбегнуць абыходных шляхоў у працэсе барацьбы з новай каронавіруснай пнеўманіяй / COVID-19 /, заявіў вядомы кітайскі эксперт па рэспіраторных захворваннях Чжун Наньшань.

З такой заявай ён выступіў у чацвер на прэс-канферэнцыі ў г. Гуанчжоу / прав. Гуандун, Паўднёвы Кітай /. Паводле яго слоў, цяперашні ўзровень смяротнасці ад COVID-19 за мяжой падобны на раннюю стадыю ўспышкі хваробы ў г. Ухань / прав. Хубэй, Цэнтральны Кітай /.

Спецыяліст адзначыў, што яго каманда абмянялася думкамі па прафілактыцы і кантролі каронавіруснай інфекцыі з САР Сянган, Японіяй, Сінгапурам і шэрагам еўрапейскіх краін. Акрамя таго, кітайскія эксперты былі адпраўленыя ў Італію для далейшага ўзаемадзеяння.

Надзвычай важна актывізаваць абмены паміж Кітаем і замежнымі рэгіёнамі, паколькі вопыт і ўрокі Кітая, назапашаныя за апошнія два месяцы, могуць дапамагчы свету знізіць як колькасць хворых, так і памерлых, дадаў Чжун Наньшань. -0-