фота: Embassy of Belarus

Беларусь і Расія заключылі міжурадавае пагадненне аб узаемным прызнанні візаў і па іншых пытаннях, звязаных з уездам замежных грамадзян і асоб без грамадзянства на тэрыторыі дзяржаў - удзельніц Дагавора аб стварэнні Саюзнай дзяржавы. Подпісы пад дакументам пасля перамоваў у Мінску паставілі міністры замежных спраў Уладзімір Макей і Сяргей Лаўроў.

фота: Embassy of Belarus

Пагадненне прадугледжвае права замежнікаў уязджаць, выязджаць, знаходзіцца, ехаць транзітам па тэрыторыі дзвюх дзяржаў на падставе візы аднаго з іх і дакументаў, якія сведчаць асобу. Замежнікі змогуць рухацца паветраным, чыгуначным транспартам, а таксама па шасці аўтамабільных дарогах, якія вызначаны ў дадатку да пагаднення.