На працягу двух гадоў Украіна можа прыцягнуць больш за 1 млрд. долараў інвестыцый ад кітайскіх кампаній CCEC і GCL на рэалізацыю праекта Chornobyl Solar. Пра гэта паведаміў міністр экалогіі і прыродных рэсурсаў Украіны Астап Семярак.
Праект Chornobyl Solar распрацаваны Дзяржаўным агенцтвам па кіраванні зонай адчужэння Чарнобыльскай АЭС для адаптацыі тэрыторый, якія пацярпелі ў выніку аварыі на станцыі ў 1986 годзе. Ён прадугледжвае будаўніцтва сонечных электрастанцый на плошчы 2,5 тыс. га на поўдзень ад ЧАЭС. Па папярэдніх падліках, гэтыя электрастанцыі змогуць штогод вырабляць 1,5 ГВт/г электраэнергіі і прыносіць прыбытак у памеры 120-130 млн. еўра.
Сярод асноўных фактараў інвестыцыйнай прывабнасці праекта Chornobyl Solar украінскія ўлады называюць высокі ўзровень інсаляцыі тэрыторый вакол ЧАЭС, нізкія арэндныя стаўкі і наяўнасць неабходнай інфраструктуры. - Р -