Старшыня КНР Сі Цзіньпін прыбыў у Сант'яга з дзяржаўным візітам у Рэспубліку Чылі.
Сі Цзіньпін звярнуўся да чылійскага народу са шчырымі прывітаннямі і найлепшымі пажаданнямі. Сі Цзіньпін адзначыў, што Чылі шмат разоў "была першай" у развіцці адносін з Кітаем. На працягу 46 гадоў пасля ўстанаўлення дыпламатычных адносін палітычны ўзаемадавер паміж дзвюма дзяржавамі бесперапынна паглыбляўся, абмен і супрацоўніцтва ва ўсіх сферах прынеслі вялікія вынікі. Цяпер перад супрацоўніцтвам Кітая і Чылі стаяць яшчэ больш шырокія перспектывы развіцця. Ён падкрэсліў, што мэтай гэтага візіту з'яўляецца ўмацаванне традыцыйнай дружбы, паглыбленне ўзаемавыгаднага супрацоўніцтва і садзейнічанне сумеснаму развіццю. Сі Цзіньпін разлічвае падчас гэтага візіту сумесна з чылійскім лідарамі акрэсліць план развіцця адносін Кітая і Чылі ў будучыні. Ён выказаў упэўненасць, што гэты візіт абавязкова зможа паспрыяць выхаду кітайска-чылійскіх адносін на новую ступень, прынясе яшчэ больш дабра народам дзвюх краін.
Сі Цзіньпін прыбыў у Чылі пасля завяршэння ўдзелу ў 24-й нефармальнай сустрэчы кіраўнікоў АЦЭС, якая праходзіла ў Ліме, і дзяржаўнага візіту ў Перу.