Прэм'ер Дзяржсавета КНР Лі Кэцян заклікаў рабіць больш для спрашчэння адміністрацыйных дазволаў, перадачы паўнамоцтваў адміністрацыям больш нізкага ўзроўню і паляпшэння абслугоўвання, каб вызваліць патэнцыял развіцця.
Лі Кэцян назваў рэформу па спрашчэнні адміністрацыйных дазволаў "важнай часткай кітайскай структурнай рэформы на баку прапановы", а таксама "неад'емнай часткай працэсу трансфармацыі функцый урада".
Ён паведаміў, што ўрад будзе і далей спрашчаць адміністрацыйную ўладу і паляпшаць абслугоўванне, каб стварыць спрыяльнае асяроддзе для інавацый і прадпрымальніцтва, а таксама прасоўвання рэструктурызацыі эканомікі. Рэформа запатрабуе меры па стварэнні забаронных спісаў для рэгістрацыі бізнесу, а таксама публікацыі "спісаў паўнамоцтваў", якія ўключаюць абавязкі і адказнасць мясцовых адміністрацый. Для заахвочвання ўдзелу прыватных інвестараў будзе ажыццяўляцца далейшае спрашчэнне доступу на рынак, будзе рабіцца больш для спрашчэння адміністрацыйнага кіравання, уключаючы далейшы "падзел" ліцэнзій для бізнесу і адміністрацыйных дазволаў, што дазволіць кампаніям развіваць свой бізнес і гаспадарчую дзейнасць без адміністрацыйных дазволаў.
Лі Кэцян падкрэсліў важнасць выкарыстання перадавых інфармацыйных тэхналогій для забеспячэння большай эфектыўнасці ўрадавага кантролю, заахвочвання інавацый для стварэння справядлівага, інклюзіўнага, упарадкаванага і жыццяздольнага асяроддзя для бізнесу.
Лі Кэцян таксама заклікаў прыкладаць больш намаганняў для паляпшэння ўрадавых паслуг за кошт плана "Інтэрнэт-плюс", каб забяспечыць абслугоўванне грамадства, задавальняць патрэбнасці насельніцтва і несці яму рэальныя выгады; падкрэсліў, што мясцовыя адміністрацыі павінны паўтарыць поспех кітайскіх зон свабоднага гандлю і ажыццяўляць далейшае вызваленне рынкавых жыццёвых сіл і грамадскіх творчых здольнасцяў для падтрымання сярэдневысокіх узроўню росту і руху да сярэдневысокага ўзроўню развіцця. - Р -