Спадчыннік тайскага прастола Маха Вачыралангкорн вечарам 1 снежня прыняў запрашэнне спікера Нацыянальнай заканадаўчай асамблеі Тайланда Пампета Вічытчанчая ўзысці на трон.
У прысутнасці рэгента Прэма Цінсулананды, прэм'ер-міністра Праюта Чан-Очы, Пампета Вічытчанчая і старшыні Вярхоўнага суда Вірапона Тангсувана, Маха Вачыралангкорн быў афіцыйна абвешчаны каралём Тайланда Рамай X.
Увечары таго ж дня Пампет Вічытчанчай і Прают Чан-Оча выступілі з прамовай і абвясцілі аб тым, што Тайланд уступіў у эру Рамы X.
Адзначым, што Маха Вачыралангкорн нарадзіўся 28 ліпеня 1952 года. Ён з'яўляецца адзіным сынам караля Пуміпона Адульядэта і каралевы Сірыкіт Кіціякары.