Белы дом ЗША ў панядзелак паведаміў, што прэзідэнт ЗША Барак Абама і прэм'ер-міністр Японіі Сіндза Абэ сустрэнуцца 27 снежня на Гаваях.
У кароткай заяве Белага дома гаворыцца, што падчас сустрэчы лідары падвядуць вынікі супрацоўніцтва паміж ЗША і Японіяй у апошнія чатыры гады ў галінах бяспекі, эканомікі і процідзеяння глабальным выклікам.
У заяве таксама паведамляецца, што Б. Абама і Сіндза Абэ разам наведаюць Пэрл-Харбар, каб ушанаваць памяць амерыканскіх ваенных, якія 75 гадоў таму загінулі ў выніку нападу японскай авіяцыі на Пэрл-Харбар.