Віцэ-прэзідэнт Філіпін Лені Рабрэда 4 снежня абвясціла, што пакіне пасаду старшыні каардынацыйнага камітэта па жыллёвым будаўніцтве і гарадскім развіцці, але захавае за сабой пасаду віцэ-прэзідэнта. Л. Рабрэда адзначыла, што прэзідэнт краіны Р. Дутэртэ праз трэціх асоб перадаў ёй забарону з 5 снежня прысутнічаць на пасяджэннях Кабінета міністраў. У адказ палітык заявіла аб адстаўцы, патлумачыўшы сваё рашэнне немагчымасцю ў поўнай меры ажыццяўляць свае паўнамоцтвы.