Калі Японія гатова раскаяцца ў сваіх дзеяннях і шчыра прынесці прабачэнні, то ў Кітаі шмат месцаў для ўшанавання памяці, якія прэм'ер-міністр Японіі Сіндза Абэ можа наведаць, заявіў афіцыйны прадстаўнік МЗС КНР Лу Кан на прэс-канферэнцыі, каменціруючы жаданне прэм'ер-міністра Японіі наведаць Перл-Харбар. Кітай нязменна надае важнасць абароне справядлівасці ў свеце і міжнароднага парадку, вызначанага пасля вайны. Разам з гэтым, вельмі важна, каб Японія выпрацавала правільны падыход да гісторыі і прадпрымала практычныя крокі для атрымання даверу пацярпелых азіяцкіх краін, у тым ліку Кітая, далей сказаў Лу Кан.
Як амерыканскі народ не забывае напад японскай авіяцыі на Перл-Харбар, кітайскі народ не забудзе ахвяр Вайны супраціўлення японскім захопнікам і суайчыннікаў, якія загінулі ў Нанкінскай разні. Лу Кан падкрэсліў, што ў Кітаі ёсць вялікая колькасць мясцін, якія нагадваюць Японіі і міжнароднай супольнасці аб ваенных злачынствах краін-агрэсараў. - Р -