Кітай і Сан-Тамэ і Прынсіпі абвясцілі аб аднаўленні з 26 снежня разарваных амаль 20 гадоў таму дыпламатычных адносін на ўзроўні паслоў. Аб гэтым паведамляецца ў апублікаваным дзвюма краінамі сумесным камюніке.
Міністр замежных спраў КНР Ван І правёў у кітайскай сталіцы перамовы з міністрам замежных спраў Сан-Тамэ і Прынсіпі Урбіна Бателью, таксама было падпісана сумеснае камюніке аб аднаўленні дыпламатычных адносін паміж дзвюма краінамі.
Згодна з камюніке, урад Сан-Тамэ і Прынсіпі прызнае, што ў свеце ёсць толькі адзін Кітай, урад Кітайскай Народнай Рэспублікі з'яўляецца адзіным легітымным урадам, якi прадстаўляе ўвесь Кітай, Тайвань з'яўляецца неад'емнай часткай тэрыторыі Кітая. Урад Сан-Тамэ і Прынсіпі абавязаўся не падтрымліваць ніякіх афіцыйных адносін з Тайванем, не падтрымліваць з ім ніякіх афіцыйных кантактаў.
Кітай устанавіў дыпламатычныя адносіны з заходнеафрыканскай астраўной дзяржавай Сан-Тамэ і Прынсіпі 12 ліпеня 1975 года. У 1997 годзе Сан-Тамэ і Прынсіпі абвясцілі аб устанаўленні дыпламатычных адносін з Тайванем, і пасля гэтага Кітай перапыніў дыпадносіны з Сан-Тамэ і Прынсіпі.
Згодна з апублікаванай 20 снежня урадам Сан-Тамэ і Прынсіпі заяве, ім было прынята рашэнне аб разрыве дыпламатычных адносін з Тайванем. Кітай павітаў гэты крок. - Р -