Кітай імкнецца стварыць да 2020 года сістэму асноўнага санітарна-медыцынскага абслугоўвання, якая ахоплівае гарадское і сельскае насельніцтва. Пра гэта гаворыцца ў апублікаванай на днях Дзяржрадай КНР праграме развіцця аховы здароўя Кітая на перыяд 13-й пяцігодкі (2016-2020 гг.).

Згодна з праграмай, да 2020 года сярэдняя чаканая працягласць жыцця насельніцтва Кітая павялічыцца на адзін год у параўнанні з 2015 і перавысіць 77,3 года.

У праграме вылучана дзесяць найважнейшых задач у галіне аховы здароўя. У іх шэраг уваходзіць узмацненне работы па прафілактыцы і лячэнні сур'ёзных захворванняў, прасоўванне будаўніцтва "здаровых" гарадоў і вёсак у мэтах паляпшэння фізічнага стану народа, удасканаленне палітычных установак у галіне планавага дзетанараджэння, павышэнне ўзроўню медыцынскага абслугоўвання, развіццё і інавацыя традыцыйнай кітайскай медыцыны і г.д.

У праграме таксама падкрэсліваецца неабходнасць паляпшэння падрыхтоўкі спецыялістаў у галіне аховы здароўя, удасканалення заканадаўства ў галіне аховы здароўя і планавага дзетанараджэння і развіцця міжнароднага супрацоўніцтва.