Прэзідэнт ЗША Барак Абама, які неўзабаве пакіне свой пост, у аўторак вечарам у Чыкага выступіў з развітальнай прамовай. Паводле яго слоў, расізм застаецца "сепаратысцкай сілай" у ЗША, і перад краінай стаяць выклікі.
Б. Абама ў чарговы раз падкрэсліў, што восем гадоў таму ён прыйшоў да прэзідэнцтва з намерам здзейсніць перамены, аднак па яго словах, шлях прагрэсу няпросты. Ён адзначыў, што пасля перамогі на прэзідэнцкіх выбарах шмат хто лічыў, што ў ЗША наступіла эпоха волі ад расавага падзелу, аднак гэта не адпавядае рэальнасці. Ён заклікаў ЗША пераадолець гэты раскол і згуртавацца.
Паводле яго слоў, пачатак 21 стагоддзя характарызуецца складанай міжнароднай сітуацыяй, эканамічнай дэпрэсіяй, абвастрэннем нераўнапраўя, зменамі структуры насельніцтва і тэрарызмам. Аднак, паводле яго слоў, гэтыя доўгатэрміновыя праблемы "ніхто не можа вырашыць хутка".