Кітай працягне прасоўваць новы раўнд палітыкі адкрытасці знешняму свету на высокім узроўні. Пра гэта прэм'ер Дзяржсавета Лі Кэцян заявіў у размове з замежнымі экспертамі напярэдадні свята Вясны.
Лі Кэцян падкрэсліў, што Кітай прытрымліваецца адкрытага развіцця, мэтанакіравана падтрымлівае лібералізацыю і спрашчэнне гандлю і інвестыцый, будзе працягваць пашыраць доступ на рынак, прыцягваць замежныя інвестыцыі і авалодваць высокімі тэхналогіямі і вопытам у галіне кіравання.
Прэм'ер адзначыў, што Кітай будзе ствараць адкрытыя, празрыстыя, справядлівыя, спарадкаваныя і прадказальныя рынкавыя і прававыя ўмовы для ператварэння ў найбольш прывабную краіну для замежных інвестыцый. - Р -