Летась у Кітаі нарадзілася ў агульнай складанасці 18,46 млн. дзяцей. Пра гэта паведамілі ў Дзяржаўным камітэце па справах аховы здароўя і планавага дзетанараджэння. Больш за 45% немаўлят – не першыя дзеці ў сваіх сем'ях, адзначаецца ў апублікаванай даведцы камітэта.

Апрача гэтага, у мінулым годзе таксама знізіліся паказчыкі мацярынскай і дзіцячай смяротнасці і смяротнасці сярод дзяцей да 5 гадоў.

Кітай мае намер удасканальваць сферу мацярынскай і дзіцячай аховы здароўя за кошт павелічэння колькасці акушэрак, а таксама бальнічных ложкаў. - Р -