Кітай заклікае Японію ўсвядоміць сур'ёзнасць пытання аб размяшчэнні ў гасцініцах сеткі APA Hotel літаратуры правага толку, каб пазбегнуць новых перашкод у адносінах паміж Кітаем і Японіяй. Пра гэта заявіла афіцыйны прадстаўнік МЗС КНР Хуа Чуньін на брыфінгу для кітайскіх і замежных журналістаў. (Кіраўнік японскіх гасцініц APA Hotel Тасіа Матоя адмовіўся прыбраць размешчаныя ў іх кнігі правага толку, адзначыўшы, што праз некалькі месяцаў людзі забудуць аб тым, што здарылася. Міністр замежных спраў Японіі Фуміа Кісіда таксама заявіў, што празмерная ўвага да аднаго перыяду ў 2000-гадовай гісторыі Японіі і Кітая, магчыма, будзе няправільнай.)
Хуа Чуньін паўтарыла, як і тыдзень раней, што гэтыя дзеянні з боку кіраўніцтва гасцініцы выклікалі рэзкае абурэнне сярод кітайскай грамадскасці. "Мы заклікаем японскі бок усвядоміць сур'ёзнасць гэтага пытання, праявіць рэальную адказнасць, не дапусціць новых перашкод у адносінах паміж Кітаем і Японіяй", – падкрэсліла афіцыйны прадстаўнік кітайскага МЗС. - Р -