У Астане прынята рашэнне стварыць трохбаковы механізм, які адсочвае рэжым спынення агню ў Сірыі. Пра гэта паведаміў міністр замежных спраў Казахстана Кайрат Абдрахманаў.
Дэлегацыі Расіі, Турцыі і Ірана правялі трохбаковыя кансультацыі па сірыйскім пытанні. Пасля сустрэчы яны падпісалі сумесную заяву, у якой гаворыцца аб падтрымцы дыялогу паміж урадам Сірыі і ўзброенай апазіцыяй у Астане. Бакамі падтрымана жаданне апазіцыйных узброеных груп і ўрада Сірыі прыняць удзел у наступным раўндзе перамоў. Ён адбудзецца пад юрысдыкцыяй ААН у Жэневе 8 лютага.
Удзельнікі пацвердзілі прыхільнасць ідэі суверэннасці і цэласнасці Сірыі. - Р -