Афіцыйны прадстаўнік МЗС КНР Лу Кан сёння заклікаў ЗША «спыніць памылковыя заявы» ў пытанні аб суверэнітэце над архіпелагам Дзяаюйдаа.
На чарговы ведамаснай прэс-канферэнцыі абмяркоўвалася заява міністра абароны ЗША Джэймса Мэтціса падчас візіту ў Японію пра тое, што амерыканска-японская дамова аб бяспецы распаўсюджваецца на Дзяаюйдаа. Лу Кан падкрэсліў, што архіпелаг і рыфы з'яўляюцца спрадвечна кітайскай тэрыторыяй. Гэта неабвержны гістарычны факт. Дагавор ЗША і Японіі аб бяспецы ўяўляе сабой прадукт халоднай вайны і не павінен прымяняцца для парушэння тэрытарыяльнага суверэнітэту і законных правоў і інтарэсаў Кітая.
"Мы заклікаем ЗША да адказнага падыходу, заклікаем спыніць памылковыя заявы ў пытанні аб суверэнітэце над архіпелагам, а таксама пазбягаць далейшага ўскладнення сітуацыі і стварэння фактараў нестабільнасці ў рэгіёне", – сказаў на заканчэнне чыноўнік кітайскага МЗС. - Р -