У ЗША каля 60 тыс. віз было часова анулявана ў сувязі з іміграцыйным указам прэзідэнта Дональда Трампа. Пра гэта паведамілі ў пятніцу ў Дзярждэпартаменце краіны.
Раней у той жа дзень юрыст з Міністэрства юстыцыі ЗША на судовым пасяджэнні паведаміў, што з 27 студзеня ўлады анулявалі больш за 100 тыс. віз у Злучаныя Штаты.
Як паведамляюць мясцовыя СМІ са спасылкай на чыноўніка Дзярждэпартамента, у Міністэрстве юстыцыі, магчыма, улічылі і некаторыя пратэрмінаваныя візы або візы, не закранутыя адміністрацыйным загадам.
Нагадаем, што 27 студзеня Д. Трамп падпісаў указ, згодна з якім ЗША на 120 дзён прыпыняюць прыём усіх бежанцаў, на 90 дзён абмяжоўваюць уезд грамадзян сямі краін /Ірана, Судана, Сірыі, Лівіі, Самалі, Емена і Ірака / і на нявызначаны тэрмін забараняюць размяшчэнне на тэрыторыі краіны сірыйскіх бежанцаў. Гэты ўказ выклікаў палеміку як у саміх ЗША, так і ў многіх краінах свету.