Міністр замежных спраў КНР Ван І і міністр замежных спраў Аўстраліі Джулія Бішап правялі прэс-канферэнцыю па выніках 4-га раўнда Кітайска-аўстралійскага дыпламатычнага і стратэгічнага дыялогу.

Каментуючы пытанне прадстаўніка аўстралійскіх СМІ аб магчымым узмацненні палітыкі новай адміністрацыі ЗША ў дачыненні да КНР і ўздзеянне адпаведных мер на кітайска-амерыканскія адносіны, Бішап адзначыла, што Аўстралія разглядае адносіны паміж КНР і ЗША як найбольш важныя двухбаковыя адносіны. Спрыяльнае развіццё адносін паміж Кітаем і ЗША спрыяе міру, стабільнасці і росквіту ў рэгіёне, і Аўстралія спадзяецца на паглыбленае і дабратворнае ўзаемадзеянне краін.

У сваю чаргу, Ван І высока ацаніў пазітыўную пазіцыю Д.Бішап па кітайска-амерыканскіх адносінах і падкрэсліў, што старшыня КНР Сі Цзіньпін раней заяўляў пра неабходнасць для КНР і ЗША накіроўваць намаганні на фарміраванне агульнага "кола сяброў". Аўстралія – важны член "агульнага кола сяброў" КНР і ЗША, якая можа адначасова быць саюзнікам ЗША і мець усебаковыя адносіны стратэгічнага партнёрства з КНР. - Р -