З 2017 года замежнікі павінны будуць пры ўездзе ў Кітай здаваць біяметрычныя даныя, у тым ліку адбіткі пальцаў. Гэты крок прадпрымаецца для далейшага ўдасканалення кантролю ўезду/выезду, гаворыцца ў паведамленні Міністэрства грамадскай бяспекі.
Згодна з рашэннем ведамства, здымаць адбіткі пальцаў будуць у замежных грамадзян ва ўзросце ад 14 да 70 гадоў за выключэннем асоб з дыпламатычнымі пашпартамі і грамадзян тых краінаў, дзе дзейнічаюць узаемныя прэферэнцыі. З 10 лютага такая працэдура пачне ў эксперыментальным парадку дзейнічаць у аэрапорце Шэньчжэня і некалькіх іншых пунктах пропуску, на астатніх КПП яе плануюць укараніць пазней.
Як заўважылі ў кітайскім міністэрстве, збор біяметрычных даных пры ўездзе ў замежную краіну – досыць распаўсюджаная практыка ў многіх краінах свету. - Р -