Кітай атрымаў ліст ад прэзідэнта ЗША Дональда Трампа, адрасаваны старшыні КНР Сі Цзіньпіну, і высока ацаніў віншаванне ад Трампа з кітайскім Святам ліхтароў. Пра гэта паведаміў афіцыйны прадстаўнік МЗС КНР Лу Кан.
Кітай гатовы сумесна з ЗША пашыраць супрацоўніцтва і кантраляваць рознагалоссі, прытрымліваючыся прынцыпаў адмовы ад канфрантацыі і канфліктаў, узаемнай павагі і бяспройгрышнага супрацоўніцтва, каб прасоўваць здаровае і стабільнае развіццё кітайска-амерыканскіх адносін, сказаў Лу Кан.
Кітай і ЗША нясуць важную адказнасць за забеспячэнне міру і стабільнасці ў свеце і садзейнічанне глабальнаму развіццю і росквіту, сказаў прадстаўнік МЗС Кітая, дадаўшы, што супрацоўніцтва – адзіны правільны выбар для дзвюх краін.
Як паведамляюць СМІ, 8 лютага Трамп адправіў ліст старшыні КНР Сі Цзіньпіну, у якім павіншаваў яго і кітайскі народ са Святам ліхтароў. У лісце прэзідэнт заявіў, што ЗША спадзяюцца на развіццё канструктыўных адносін з Кітаем. - Р -