Кітай апублікаваў праграму развіцця сектара экспрэс-дастаўкі на перыяд 13-й пяцігодкі, якая прадугледжвае стварэнне да 2020 года агульнадзяржаўнай сістэмы кур'ерскай службы.

Як паведамілі раней у Галоўным паштовым упраўленні краіны, на 20 снежня 2016 года гадавы аб'ём кур'ерскіх аперацый у Кітаі перавысіў 30 млрд. адзінак, што дазволіла Кітаю ўтрымаць першае месца ў свеце ў гэтай сферы.

Згодна з праграмай, у бліжэйшыя гады трэба будзе распаўсюдзіць паслугі экспрэс-дастаўкі на розныя раёны краіны. У прыватнасці, для гэтага будзе пабудаваны авіяцыйны транспартны вузел для экспрэс-адпраўленняў і створаны спецыялізаваныя лагістычныя паркі.

Службы экспрэс-дастаўкі Кітая таксама будуць развіваць супрацоўніцтва з рынкамі замежных краін, адзначаецца ў праграме. - Р -