Прадстаўнік Міністэрства абароны Кітая Жэнь Гацян у чацвер на чарговай прэс-канферэнцыі заявіў, што Кітай катэгарычна выступае супраць размяшчэння ЗША ў Рэспубліцы Карэя /РК/ амерыканскай сістэмы супрацьракетнай абароны THAAD, бо гэта наносіць сур'ёзны ўрон стратэгічнай бяспецы і інтарэсам суседніх краін, у тым ліку Кітаю і Расіі, і парушае стратэгічны баланс у рэгіёне.

Жэнь Гацян выказаў спадзяванне на тое, што РК будзе шанаваць дасягненні развіцця адносінаў паміж УС дзвюх краін. Кітай разлічвае, што Рэспубліка Карэя будзе адштурхоўвацца ад ідэі падтрымання міру і стабільнасці ў рэгіёне, а таксама ўлічваць карэнныя інтарэсы двух народаў, абачліва падыходзячы да пытанняў, якія закранаюць стратэгічныя бяспеку і інтарэсы Кітая. Такі падыход створыць станоўчыя ўмовы для бесперашкоднага развіцця адносінаў паміж дзвюма арміямі, адзначыў ваенны чыноўнік.

Жэнь Гацян сказаў, што кітайская армія прыме неабходныя меры па абароне нацыянальнай бяспекі.