Шматцэлевы разведвальна-ўдарны беспілотны лятальны апарат / БЛА / вялікай далёкасці новага тыпу Ілун II, які з'яўляецца распрацоўкай кітайскіх авіяканструктараў, паспяхова здзейсніў свой першы палёт.
Афарбаваны ў жоўты колер Ілун II з размахам крылаў больш за 20 метраў здзейсніў свой першы паспяховы палёт на адным з высакагорных аэрадромаў на паўночным захадзе Кітая.
"Палёт прайшоў паспяхова, кітайскі разведвальна-ўдарны БЛА новага пакалення нарадзіўся! Кітай стаў ўслед за ЗША краінай, здольнай распрацоўваць разведвальна-ўдарныя БЛА новага пакалення", - заявіў у інтэрв'ю Сіньхуа намеснік галоўнага канструктара Чэндускага авіяцыйнага даследча-канструктарскага інстытута Кітайскага аб'яднання авіяцыйнай прамысловасці, галоўны канструктар сістэмы БЛА Ілун Лі Ідун.
БЛА Ілун II мае 11 метраў у даўжыню і 4,1 метра ў вышыню, размах яго крылаў - 20,5 метра. Ён можа падымацца на вышыню 9000 метраў і знаходзіцца ў паветры да 20 гадзін, развіваючы пры гэтым хуткасць да 370 км / г.