Экс-прэзідэнт Рэспублікі Карэя Пак Кын Хе з'явілася ў аўторак у пракуратуру краіны на допыт у сувязі з карупцыйным скандалам, які прывёў да яе імпічменту раней у гэтым месяцы.

Перад СМІ ля ўваходу ў будынак яна прынесла прабачэнні народу, паабяцаўшы сумленна ставіцца да допыту.

Пасля кароткага звароту да грамадскасці, Пак Кын Хе ўвайшла ў офіс пракуратуры на поўдні Сеула.

Апранутая ў цёмна-сіняе паліто, яна выйшла са свайго прыватнага дома ў паўднёвым раёне Сеула ў 9:17 па мясцовым часе і села ў чорны седан, нічога не кажучы сотням яе прыхільнікаў, якія чакалі ля яе дома.

Картэж Пак Кын Хе з аховай прыбыў у пракуратуру праз некалькі хвілін.