У аўторак у 06:00 па мясцовым часе ў Рэспубліцы Карэя афіцыйна пачалося галасаванне на прэзідэнцкіх выбарах. Паўднёвакарэйскія выбаршчыкі адправяцца на выбарчыя ўчасткі, якіх па ўсёй краіне адкрыта 13964, і вызначаць, хто будзе новым кіраўніком дзяржавы. Галасаванне працягнецца да 20:00 па мясцовым часе.
Першапачаткова на выбарах былі зарэгістраваны 15 кандыдатаў, аднак на апошнім этапе двое з іх абвясцілі аб выхадзе з гонкі. Сярод астатніх прэтэндэнтаў на пасаду прэзідэнта лідзіруюць пяць чалавек: кандыдат ад Дэмакратычнай партыі "Табура" Мун Чжэ Ін, кандыдат ад Народнай партыі Ан Чхоль Су, кандыдат ад Карэйскай партыі свабоды Хон Чжун Пхэ, кандыдат ад партыі "Парын" Ю Сын Мін і кандыдат ад партыі справядлівасці Сім Сан Чжон.
Калі меркаваць па выніках апошняга апытання грамадскай думкі, Мун Чжэ Ін атрымаў падтрымку прыкладна 40% выбаршчыкаў і апярэдзіў сваіх галоўных супернікаў прыкладна на 20 працэнтных пунктаў.
Нагадаем, што папярэднія прэзідэнцкія выбары ў Рэспубліцы Карэя адбываліся 19 снежня 2012 года. З-за таго, што экс-прэзідэнт Пак Кын Хэ падвергнулася імпічменту і пакінула пасаду кіраўніка дзяржавы, краіна датэрмінова праводзіць прэзідэнцкія выбары, якія раней былі пазначаны на снежань бягучага года. - Р -