Дабаўленая вартасць, створаная асноўнымі прамысловымі прадпрыемствамі Кітая ў красавіку, вырасла ў гадавым вылічэнні на 6,5 працэнта, што на 0,5 працэнтнага пункта вышэй за паказчык красавіка мінулага года. Пра гэта сведчаць распаўсюджаныя сёння звесткі Дзяржаўнага статыстычнага ўпраўлення.
У Кітаі асноўнымі прамысловымі прадпрыемствамі называюць прадпрыемствы з гадавым даходам ад асноўнай гаспадарчай дзейнасці ў 20 млн і больш юаняў.
У сакавіку прамвытворчасць (або, згодна з афіцыйна прынятай тэрміналогіяй, дабаўленая вартасць, створаная асноўнымі прамысловымі прадпрыемствамі) вырасла на 7,6 працэнта. Гэта зніжэнне патлумачылі ў Дзяржстаце скарачэннем працоўных дзён у красавіку ў сувязі са святам 1 мая.
У цэлым за першыя чатыры месяцы года зафіксавана павелічэнне прамысловай вытворчасці на 6,7 % у гадавым выражэнні.
Аналіз дынамікі вытворчасці па формах уласнасці паказаў, што ў дзяржпрадпрыемстваў яна вырасла на 5,6 працэнта, тады як акцыянерныя прадпрыемствы прадэманстравалі рост на 6,9 працэнта. Разам з тым, у прадпрыемстваў з удзелам замежнага капіталу рост склаў 5,5 працэнта.