Сенат Кангрэса ЗША зацвердзіў кандыдатуру губернатара штата Аёва Тэры Брэнстэда на пасаду амбасадара ЗША ў Кітаі. За яго кандыдатуру прагаласавалі 82 сенатары, супраць выказаліся 13.
Т.Брэнстэд ў сваёй заяве адзначыў, што Кітай з'яўляецца адной з самых уплывовых краін свету, а таксама адным з найбуйнейшых гандлёвых партнёраў ЗША. Ён выказаў гатоўнасць прыкласці намаганні для дасягнення ўзаемнай выгады.
70-гадовы Т.Брэнстэд у 1983-1999 гадах і з 2011 года да гэтага часу займаў пасаду губернатара штата Аёва. Ён лічыцца адным з палітычных дзеячаў ЗША, якія добра ставяцца да Кітая. У снежні мінулага года прэзідэнт ЗША Дональд Трамп прапанаваў яго кандыдатуру на пост амерыканскага амбасадара ў Кітаі.
Т.Брэнстэд спадзяецца, што ў час знаходжання на пасадзе амерыканскага амбасадара ён наведае розныя куткі Кітая і пагутарыць з кітайскімі грамадзянамі, каб тым самым садзейнічаць бурнаму развіццю культурных сувязяў і абмену ідэямі паміж дзвюма краінамі. - Р -