Напярэдадні дзяржаўнага візіту старшыні КНР Сі Цзіньпіна ў Казахстан, яго ўдзелу ў 17-м пасяджэнні Савета кіраўнікоў дзяржаў-членаў ШАС і наведвання цырымоніі адкрыцця ЭКСПА-2017 у Астане, там адбылася нарада прадстаўнікоў кітайскіх і казахстанскіх СМІ. Кіраўнікі вядучых СМІ дзвюх краін абмеркавалі важныя пытанні і дасягнулі пагаднення аб ролі мас-медыя ў садзейнічанні развіццю двухбаковых адносін і супрацоўніцтве ў розных галінах, а таксама аб умацаванні абменаў і супрацоўніцтва паміж СМІ.

Кіраўнікі СМІ дзвюх краін адзначылі, што візіт Сі Цзіньпіна ў Казахстан і яго ўдзел у розных мерапрыемствах будзе падрабязна асветлены. Яны таксама плануюць здзяйсняць абмен журналістамі дзвюх краін, паглыбляць практычнае супрацоўніцтва, выпускаць сумесныя матэрыялы, рыхтаваць новыя кадры і развіваць абмены і супрацоўніцтва паміж СМІ дзвюх краін па ўсіх напрамках.