Тэракты са стральбой і выбухамі адбыліся ў сераду ў Меджлісе (парламенце) Ірана і ў маўзалеі лідара краіны аяталы Рухалы Хамейні, размешчаным на поўдні Тэгерана. Па дадзеных мясцовых СМІ, па меншай меры 13 чалавек загінулі, яшчэ 43 атрымалі раненні.
Прэзідэнт краіны Хасан Раўхані ў сваёй заяве асудзіў гэтыя тэракты і назваў тэрарызм сур'ёзнай пагрозай бяспецы ўсёй планеты. "Тэрарызм з'яўляецца глабальнай праблемай, для барацьбы з ім неабходныя аб'яднаныя сілы рэгіёну і ўсяго свету", - адзначыў ён.