Прэм'ер-міністр Балгарыі Бойка Барысаў у аўторак заявіў, што краіна гатова дапамагчы Еўрасаюзу і Турцыі ў разрадцы напружанасці ў адносінах.
Б. Барысаў 13 чэрвеня здзейсніў аднадзённы рабочы візіт у Турцыю. Па дадзеных балгарскіх СМІ, прэм'ер-міністр заявіў, што Балгарыя гатова дапамагчы ЕС і Турцыі разрадзіць напружанасць у адносінах, спадзеючыся, што ЕС і Турцыя праявяць добрую волю для ўрэгулявання рознагалоссяў па ўласнай ініцыятыве.
Як паведамілі СМІ са спасылкай на Б. Барысава, ЕС нельга забывацца на тое, што яму ўдалося змякчыць сітуацыю з бежанцамі на межах саюза менавіта дзякуючы вялікім намаганням Турцыі.
Нагадаем, што ў сакавіку бягучага года некалькі краін ЕС перашкаджалі паездкам чыноўнікаў турэцкага ўрада, якія мелі намер наведаць Германію, Нідэрланды і іншыя краіны з мэтай мабілізаваць пражываючых там турэцкіх грамадзян для ўдзелу ў рэферэндуме аб унясенні паправак у канстытуцыю, што прывяло да напружанасці ў адносінах паміж Турцыяй і Еўрасаюзам. Прэзідэнт Турцыі Рэджэп Таіп Эрдаган 23 сакавіка заявіў, што яго краіна будзе пераацэньваць палітычныя адносіны з ЕС, 25 сакавіка ён сказаў, што пасля правядзення рэферэндуму аб папраўках у канстытуцыю ў красавіку, у Турцыі могуць правесці рэферэндум па пытанні аб працягу перамоваў аб уступленні ў ЕС.