Колькасць ахвяр выбуху ў павеце Фэнсянь правінцыі Цзянсу ўзрасла да 8 чалавек. У выніку выбуху, які адбыўся ў чацвер каля 16:50 ля дзіцячага сада, былі паранены некалькі дзясяткаў чалавек. Па папярэдніх даных, пацярпелі 70 чалавек, з якіх двое загінулі на месцы, а яшчэ 6 памерлі пазней у бальніцы.
Міністэрства грамадскай бяспекі КНР накіравала на месца працоўную групу для кіраўніцтва ліквідацыяй наступстваў інцыдэнту і запатрабавала прыкласці ўсе сілы да выратавання параненых, як мага хутчэй высветліць прычыну выбуху. - Р -