Федэральная пракуратура Бельгіі ў аўторак вечарам паведаміла, што на Цэнтральным вакзале Бруселя невядомы прывёў у дзеянне замацаванае на яго целе выбуховае прыстасаваньне, ніхто не пацярпеў. Мужчына быў нейтралізаваны вайскоўцамі.
Федэральная пракуратура разглядае выбух як тэракт, аднак у ведамства пакуль няма дадзеных пра асобу яго выканаўцы.
Паліцыя Бельгіі ў Твітэры заявіла, што "сітуацыя знаходзіцца пад поўным кантролем". Аднак на вуліцах сталіцы паўсюль можна бачыць супрацоўнікаў праваахоўных органаў і паліцэйскія машыны. Над горадам кружаць верталёты. Рух метро і цягнікоў у раёне вакзала прыпынены.