141 чалавек лічыцца прапаўшым без вестак у выніку сходу апоўзня ў правінцыі Сычуань на паўднёвым захадзе Кітая. Пра гэта стала вядома на прэс-канферэнцыі, наладжанай народным урадам правінцыі Сычуань апоўдні суботы.
Сход апоўзня адбыўся 24 чэрвеня прыкладна ў 6 гадзін раніцы на тэрыторыі вёскі Сіньмо, адміністрацыйна падпарадкаванай павету Маасянь Аба-Тыбецкага-цянскай аўтаномнай акругі. Пад заваламі апынуліся дамы 46 сялянскіх сем'яў. Апоўзень таксама заблакіраваў 2-кіламетровы ўчастак ракі.
Улады правінцыі Сычуань запусцілі рэжым экстранага рэагавання на стыхійныя бедствы 1-га ўзроўню. Да месца здарэння накіроўваюцца выратавальныя атрады. - Р -