У Пекіне з-за гарачай спякоты абвешчана "жоўтае" папярэджанне
  2017-07-11 16:05:11  cri  [  Паслаць сябру ] [  Раздрукаваць ]    [ шрыфт : A A A ]  

Гарачая спякота прастаіць у Пекіне яшчэ некалькі дзён. Да 12 ліпеня дзённая тэмпература паветра па горадзе будзе ў межах 35-36 градусаў Цэльсія, месцамі дасягаючы 38 градусаў, паведаміла ў панядзелак сталічная метэаралагічная служба.

Горад працягне заставацца пад уплывам цёплых паветраных мас, у сувязі з чым будзе пераважаць яснае і спякотнае надвор'е, адчуванне гарачай спёкі будзе ўзмацняцца з-за росту вільготнасці паветра, гаворыцца ў паведамленні.

Пекінская метэаслужба яшчэ ў мінулую нядзелю абвясціла "жоўтае" папярэджанне, якое азначае, што тэмпература паветра будзе дасягаць 39 і больш градусаў у асобны дзень, або на працягу трох дзён запар будзе трымацца высокая тэмпература ад 35 градусаў.

У нядзелю, па звестках сіноптыкаў, тэмпература паветра па горадзе складала ад 35 да 37 градусаў Цэльсія, пры гэтым самую высокую тэмпературу ў 40,6 градуса зафіксавалі на пункце назіранняў у раёне Дунчэн у цэнтры Пекіна.

Чакаецца, што 13-14 ліпеня халодная паветраная маса прыйдзе на змену цёплай, прынёсшы ў горад кароткачасовыя дажджы. Але ападкі будуць пераважна вечарам ці ноччу, таму днём усё ж будзе дастаткова горача - да +35 градусаў, за выключэннем прыгарадных горных раёнаў, папярэдзілі ў метэаслужбе.

каменціраваць
Самае чытанае
фотаздымкі
© China Radio International.CRI. All Rights Reserved.
16A Shijingshan Road, Beijing, China. 100040