Прэзідэнт Францыі Эмануэль Макрон ў чацвер правёў перамовы з прэзідэнтам ЗША Дональдам Трампам, які прыбыў у Францыю з першым афіцыйным візітам. Бакі выказалі гатоўнасць працягваць супрацоўніцтва ў барацьбе з тэрарызмам, захаванні бяспекі на Блізкім Усходзе і па іншых важных міжнародных пытаннях.

Нягледзячы на рознагалоссі па пытаннях клімату, кіраўнікі дзвюх краін адзначылі, што яны не паўплываюць негатыўна на кантакты і супрацоўніцтва па іншых важных міжнародных праблемах.

У чацвер раніцай Дональд Трамп прыбыў у Парыж. Згодна з афіцыйным графікам, 14 ліпеня ён будзе прысутнічаць на ваенным парадзе з нагоды Нацыянальнага дня Францыі і 100-й гадавіны ўдзелу амерыканскіх войскаў у Першай сусветнай вайне.