Прэзідэнт Філіпін Радрыга Дутэртэ сёння ў філіпінскай сталіцы правёў сустрэчу з міністрам замежных спраў КНР Ван І.
Р. Дутэртэ папрасіў Ван І перадаць старшыні КНР Сі Цзіньпіну шчырае прывітанне і заявіў, што Філіпіны высока цэняць міжнароднае становішча і ўплыў Кітая і імкнуцца пабудаваць з ім яшчэ больш цесныя і трывалыя двухбаковыя адносіны. Філіпіны надаюць вялікае значэнне дапамозе і актыўнай ролі Кітая ў развіцці і будаўніцтве Філіпін, асабліва ўдзячныя Кітаю за дапамогу і падтрымку ў барацьбе з тэрарызмам. Філіпіны вельмі задаволеныя поспехамі развіцця адносінаў з Кітаем і маюць намер сумеснымі намаганнямі паглыбляць усебаковае практычнае супрацоўніцтва на карысць народаў дзвюх краін і сумесна садзейнічаць працэсу супрацоўніцтва ва Усходняй Азіі.
Ван І перадаў Р. Дутэртэ прывітанне ад Сі Цзіньпіна, павіншаваў краіну з поспехамі развіцця, набытымі за год пад кіраўніцтвам Р. Дутэртэ, у чарговы раз выказаў рашучую падтрымку суверэннай знешняй палітыцы Філіпін і прытрымліванню шляху развіцця, што адпавядае рэаліям краіны. Ван І адзначыў, што дзякуючы палітычнай рашучасці і ўласнай ініцыятыве лідараў дзвюх краін кітайска-філіпінскія адносіны палепшыліся, усяго за паўгода з лішнім усебакова аднавіліся сувязі ў розных сферах, практычнае супрацоўніцтва атрымала бурнае развіццё, якое прыносіць рэальныя выгады народам краін і адкрывае яшчэ большыя перспектывы. Відавочны кантраст паляпшэння кітайска-філіпінскіх адносін пацвярджаецца рэальнымі дзеяннямі, дыялог лепш канфрантацыі, супрацоўніцтва лепшае за спрэчкі. Гісторыя пацвердзіць, што паляпшэнне міждзяржаўных адносін было правільным выбарам, адзначыў Ван І.