Прэзідэнт ЗША Дональд Трамп ў панядзелак падпісаў указ, даручыўшы прадстаўніку на гандлёвых перамовах Роберту Лайтхайзеру расследаваць так званыя гандлёвыя дзеянні Кітая, уключаючы перадачу тэхналогій і іншыя аспекты ў галіне інтэлектуальнай уласнасці. Гэты аднабаковы крок ЗША выклікаў занепакоенасць грамадскасці, бо можа нанесці шкоду кітайска-амерыканскім гандлёва-эканамічным адносінам.
Д. Трамп заявіў перад падпісаннем указа, што для гарантавання "прынцыпаў справядлівасці і парытэту ў гандлі" ён упаўнаважыў гандлёвага прадстаўніка ЗША разглядаць усе даступныя варыянты.
Раней аналітыкі ўжо казалі пра тое, што Р. Лайтхайзер адкрые расследаванне супраць Кітая ў рамках 301 раздзела Закона аб гандлі ад 1974 года. Пасля стварэння Сусветнай гандлёвай арганізацыі ў 1995 годзе гэты заканадаўчы акт рэдка выкарыстоўваўся. Ён дае магчымасць амерыканскаму прэзідэнту ініцыяваць аднабаковыя санкцыі ў адносінах да гандлёвых партнёраў.