У чацвер старшыня КНР Сі Цзіньпін накіраваў віншавальнае пасланне прэзідэнту Рэспублікі Карэя Мун Чжэ Іну з нагоды 25-й гадавіны ўстанаўлення дыпламатычных адносін паміж дзвюма краінамі.
Сі Цзіньпін адзначыў, што на працягу 25 гадоў пасля ўзаемнага дыпламатычнага прызнання, дзякуючы сумесным намаганням двух бакоў кітайска-паўднёвакарэйскія адносіны бесперапынна развіваюцца, што прыносіць рэальную карысць народам дзвюх краін, а таксама ўносіць актыўны ўклад у справу міру і развіцця ў рэгіёне. Па словах кітайскага лідара, гэтыя вынікі варта шанаваць.
"Я надаю павышаную ўвагу кітайска-паўднёвакарэйскім адносінам і гатовы прыкладаць сумесныя з Вамі намаганні для ўмацавання палітычнага ўзаемадаверу, належнага ўрэгулявання рознагалоссяў і садзейнічання стабільнаму і здароваму развіццю сувязяў паміж КНР і РК", - падкрэсліў кіраўнік кітайскай дзяржавы.