Падчас чарговай прэс-канферэнцыі афіцыйны прадстаўнік МЗС КНР Хуа Чуньін пацвердзіла інфармацыю аб урэгуляванні пытання незаконнага перасячэння індыйскімі вайскоўцамі мяжы дзвюх краін.
Паводле яе слоў, усе індыйскія вайскоўцы і тэхніка, што перасяклі мяжу з Кітаем у раёне Дунлан, былі адведзены на тэрыторыю Індыі, і кітайскі бок гэта пацвердзіў. Яна дадала, што Кітай працягне прымаць усе неабходныя дзеянні для забеспячэння сваёй тэрытарыяльнай цэласнасці і суверэнітэту.
Кітай надае вялікае значэнне развіццю адносін добрасуседства і дружбы з Індыяй. Кітай спадзяецца, што Індыя сапраўды будзе паважаць гістарычныя дамовы аб межах і асноўныя прынцыпы міжнароднага права, а таксама будзе на падставе ўзаемнай павагі тэрытарыяльнага суверэнітэту разам з кітайскім бокам зберагаць мір і спакой у прыгранічных раёнах і садзейнічаць здароваму развіццю двухбаковых адносін", – падкрэсліла Хуа Чуньін. - Р -