Прадстаўнік Міністэрства замежных спраў КНР Хуа Чуньін, адказваючы на пытанне аб ажыццяўляемых КНДР запусках з выкарыстаннем балістычных ракет, паведаміла, што ў дадзеным становішчы Кітай заклікае ўсе адпаведныя бакі больш не здзяйсняць крокаў, якія правакуюць адзін аднаго і абвастраюць напружанасць у рэгіёне.

Хуа Чуньін адзначыла, што карэннае ўрэгуляванне праблемы немагчыма толькі за кошт ціску і санкцый. Адзіны правільны спосаб вырашэння праблемы заключаецца ў збалансаваным урэгуляванні заклапочанасцяў усіх бакоў у галіне бяспекі з дапамогай дыялогу. Хуа Чуньін таксама дадала, што ўсе што рэзалюцыі СБ ААН утрымлівалі, па меншай меры, два аспекты: з аднаго боку, усім бакам неабходна прыняць эфектыўныя меры, каб перашкодзіць працэсу ядзерных і ракетных распрацовак КНДР; з другога боку, падтрымлівалася аднаўленне шасцібаковых перамоў. Падкрэслівалася таксама, што ўсе адпаведныя бакі павінны прыняць меры для змяншэння напружанасці на паўвостраве.

Паводле слоў афіцыйнага прадстаўніка, зацікаўленыя ў праблеме Карэйскага паўвострава краіны павінны прыняць на сябе адказнасць, садзейнічаць таму, каб сітуацыя вырашалася ў правільным рэчышчы бесперапыннай дээскалацыі, найхутчэйшага аднаўлення ўсімі бакамі перамоў і дыялогу. - Р -