Кітай цвёрда падтрымлівае інтэграцыю Еўрапейскага саюза. Пра гэта заявіла на чарговай прэс-канферэнцыі афіцыйны прадстаўнік МЗС КНР Хуа Чуньін.
У нядаўнім часе германскія СМІ паведамілі, што міністр замежных спраў Германіі Зігмар Габрыэль папярэдзіў, што краінам-удзельніцам ЕС лепш не адасабляцца, у прыватнасці, калі гаворка ідзе аб іх адносінах з Кітаем. "Калі ў нас не атрымліваецца, напрыклад, развіваць адзіную стратэгію адносна Кітая, то КНР шчаслівая ў справе расколу ЕС", – сказаў нямецкі міністр.
У адказ Хуа Чуньін адзначыла, што яна была здзіўлена заўвагай З.Габрыэля, бо Кітай заўсёды выступаў за інтэграцыю ЕС. Чыноўнік кітайскага МЗС задала пытанне: ці зможа спадар Габрыэль прывесці хоць адну краіну, якая больш "паслядоўна, рашуча, безумоўна", у асабістай ці публічнай форме, падтрымлівае інтэграцыю Еўропы, чым Кітай? Падтрымка Кітая ў інтэграцыйным працэсе ЕС аказваецца асабліва каштоўнай, у прыватнасці, калі ЕС сутыкаецца з унутранымі цяжкасцямі, падкрэсліла Хуа Чуньін. Кітай спадзяецца, што Еўрапейскі саюз будзе шанаваць гэту падтрымку і спыніць падобныя безадказныя выказванні і дзеянні, якія могуць парушыць узаемадавер'е і супрацоўніцтва паміж бакамі, дадала яна. - Р -