Прэм'ер Дзяржсавета КНР Лі Кэцян падкрэсліў важнасць прафесійнай адукацыі для садзейнічання распрацоўцы і вытворчасці кітайскай прадукцыі. Такую заяву кіраўнік урада зрабіў падчас наведвання ў пятніцу Цяньцзінскага прафесійна-тэхнічнага педагагічнага ўніверсітэта.
"Па меры рэалізацыі стратэгіі развіцця, рухомай інавацыямі, мы павінны заахвочваць інавацыі і ператвараць добрыя ідэі ў высакаякасную прадукцыю", - сказаў ён падчас інспекцыі напярэдадні Дня настаўніка, які адзначаецца ў Кітаі 10 верасня.
Кітаю неабходна рыхтаваць прафесіяналаў высокага ўзроўню, развіваць дух майстэрства і заахвочваць прадпрыемствы ўсіх памераў вырабляць выдатную прадукцыю ў кантэксце намаганняў па развіцці брэнда "зроблена ў Кітаі", адзначыў Лі Кэцян. - Р -