Кітайская эканоміка стала на шлях інавацыйнага развіцця, які вызначаецца ўстойлівым ростам і паскоранай трансфармацыяй, заявіў у аўторак прэм'ер Дзяржсавета КНР Лі Кэцян ў Пекіне падчас круглага стала ў фармаце "1 + 6" з кіраўнікамі вядучых міжнародных эканамічных структур.
Гаворачы аб эканамічнай дзейнасці Кітая, Лі Кэцян паказаў, што зараз назіраецца пазітыўная дынаміка. Дзякуючы 30-гадоваму развіццю Кітай стаў другой найбуйнейшай эканомікай у свеце. Умераны рост, які адзначаецца ў краіне, адпавядае законам эканомікі. Кітаю ўдалося ўтрымаць эканамічныя паказчыкі ў межах належнага дыяпазону і ўстойлівага росту.
Далей ён адзначыў, што ў першым паўгоддзі 2017 года кітайская эканоміка вырасла на 6,9%, і такая дынаміка захаваецца ў другім паўгоддзі бягучага года. Пасля таго як ВУП Кітая перасягнуў адзнаку ў 11 трлн. долараў, кожны аднапрацэнтны пункт эканамічнага росту можа зараз забяспечыць такі ж дадатковы выхад, як паўтарапрацэнтны рост пяць гадоў назад. Кітай застаецца краінай з самым вялікім эканамічным ростам, якая забяспечвае больш за 30% глабальнага росту, падкрэсліў прэм'ер Дзяржсавета КНР. - Р -