12 верасня ў 23:58 кітайскі грузавы касмічны карабель "Цяньчжоу-1" паспяхова завяршыў аўтаматычную хуткасную стыкоўку ў тэставым рэжыме з кітайскай касмічнай лабараторыяй "Цяньгун-2".
Мэтай цяперашніх стыковачных тэстаў з'яўлялася праверка здольнасці грузавога карабля праводзіць хуткасныя стыкоўкі, каб забяспечыць больш трывалую тэхналагічную базу для далейшай распрацоўкі і будаўніцтва кітайскай касмічнай станцыі.
"Цяньчжоу-1" - першы грузавы касмічны карабель Кітая, яго запуск адбыўся 20 красавіка 2017 года з касмадрома Вэньчан (правінцыя Хайнань, Паўднёвы Кітай). "Цяньгун-2" - першая кітайская касмічная лабараторыя, выведзеная ў космас у верасні 2016 года.
Да пачатку тэстаў навукова-тэхнічныя спецыялісты на Зямлі правялі 4 сеансы кантролю арбіты "Цяньчжоу-1".