Кансерватыўны блок ХДС/ХСС, які ўзначальвае дзеючы канцлер ФРГ Ангела Меркель, сёння абараніў сваё лідарства ў Бундэстагу, атрымаўшы 32,5 працэнта галасоў. Пра гэта сведчаць вынікі папярэдніх экзітполаў. Згодна з імі, Сацыял-дэмакратычная партыя Германіі, якую ўзначальвае былы старшыня Еўрапарламента Марцін Шульц, набрала 20 працэнтаў галасоў.
На папярэдніх выбарах у Бундэстаг у 2013 годзе кансерватыўны блок ХДС/ХСС набраў 41,5 працэнта галасоў.
У 18:00 па мясцовым часе па ўсёй краіне зачынілася каля 73,5 тыс. выбарчых участкаў. - Р -