Беларусь спадзяецца пашырыць турыстычнае супрацоўніцтва з Кітаем і прыцягнуць больш кітайскіх турыстаў. Пра гэта заявіў журналістам намеснік міністра спорту і турызму краіны Міхаіл Партной.
Намеснік міністра паведаміў, што зараз у Беларусі для кітайскіх турыстаў дзейнічае бязвізавы ўезд на трое сутак пры наяўнасці Шэнгенскай візы. У Беларусі разглядаюць магчымасць распрацаваць бязвізавы рэжым для кітайскіх грамадзян па агульным грамадзянскім пашпарце на 30 сутак. «Хацелася б, каб да канца года пытанне было закрыта. Мы над гэтым працуем», - падкрэсліў намеснік міністра. Ён выказаў спадзяванне, што кітайскім турыстам спадабаецца турыстычная паездка ў Беларусь. «Але для гэтага неабходна шмат працаваць. Гэта і лагістыка, харчаванне, і пражыванне», - сказаў М.Партной. - Р -